Təhsilin İnkişafı Fondu ilə Milli Aviasiya Akademiyası arasında əməkdaşlıq memorandumu imzalanıb və tədris ocağı rəsmən "TələbəPlus" layihəsinin iştirakçısı olub.

Postxronika.az xəbər verir ki, Kapital Bank-ın tərəfdaşlığı ilə reallaşdırılan bu təşəbbüs tələbələrə yüzlərlə məkanda endirimlər, təqaüd və universitetə giriş-çıxış funksiyalarını vahid kartda birləşdirmək imkanı yaradır. Tədbirdə çıxış edən Fondun sədri Nicat Məmmədli Akademiyanın iştirakı ilə layihəyə qoşulan ali məktəblərin sayının 27-yə, faydalanan gənclərin isə 200 minə çatdığını diqqətə çatdırıb. Bir ekosisteminin rəhbəri Fərid Hüseynov isə yeni əməkdaşlığın tələbələrə təcrübə proqramları və real layihələrdən yararlanmaq üçün geniş qapılar açacağını vurğulayıb. Akademiyanın rəsmiləri rektor Arif Paşayevin elmə töhfələrindən bəhs edərək, yeniliyin tələbələrin sosial rifahına xidmət edəcəyini qeyd ediblər. Layihənin əhatə dairəsinin böyüməsi universitet-biznes əlaqələrinin möhkəmlənməsinə və gənclər üçün daha əlçatan, müasir mühitin formalaşmasına təkan verəcək.