Postxronika.az xəbər verir ki, "Beşiktaş"ın baş məşqçisi Sergen Yalçın Trendyol Super Liqasının 23-cü həftəsində komandasının "Göztəpə"ni 4:0 hesabı ilə məğlub etdiyi matçdan sonra fikirlərini bölüşüb:

“Göztəpə yaxşı və mübarizə aparan komandadır. Həm oyunu, həm də hesabı qazanmaq sevindiricidir. Bu mövsüm ilk dəfə belə bir matç oynadıq. Həmişə çətin dövrlərdən keçmişik. Çətin günlər yaşayırıq, amma düşünürəm ki, işlər yavaş-yavaş yaxşılaşır. Məncə, komandanın mübarizə istəyi, oyun planına sadiqliyi Beşiktaş formasına yaraşırdı. Azarkeşlərimiz də matçın sonuna qədər oyunçuların arxasında idilər. Mövsümün əvvəlində çətin idi. Vəziyyət yaxşılaşır və bu, bizi xoşbəxt edir. Biz bu işi uğur qazanmaq, insanları xoşbəxt etmək üçün edirik. Oyun hər cəhətdən məmnunedici idi”.