"Liverpul", "Arsenal", "Mançester Siti", "RB Leypsiq" və "Borussiya Dortmund" kimi nəhəng klubların skautları hazırda "Nyukasl"ın 21 yaşlı müdafiəçisi Luis Hollun çıxışını yaxından izləyirlər. "Caught Offside" nəşrinin məlumatına əsasən, bu marağa rəğmən, adıçəkilən komandalardan heç biri gənc futbolçunun transferi ilə bağlı hələlik rəsmi təklif irəli sürməyib. "Sağsağanlar" istedadlı oyunçusunu satmaq niyyətində deyil və maliyyə büdcəsini onun yox, digər üzvlərin gedişi hesabına tənzimləməyi planlaşdırır.

Postxronika.az xəbər verir ki, rəhbərlik arxa xətt oyunçusunun ayrılmasına yalnız 75-80 milyon avro (65-70 milyon funt-sterlinq) müqabilində razı ola bilər. Qeyd edək ki, cari mövsümdə bütün turnirlərdə 39 matça çıxaraq 1 qol və 1 məhsuldar ötürmə ilə yadda qalan idmançının "Transfermarkt" portalında bazar dəyəri 35 milyon avro qiymətləndirilir. Tərəflər arasındakı mövcud müqavilənin müddəti isə 2029-cu ilin yayına qədər nəzərdə tutulub.