Dünən keçirilən UEFA Çempionlar Liqasının 1/8 final mərhələsinin cavab oyununda "Real" səfərdə "Mançester Siti"ni 2-1 hesabı ilə məğlub edərək dörddəbir finala vəsiqə qazanıb.
Postxronika.az xəbər verir ki, Arda Gülər növbəti dəfə manşetlərdə yer alıb və həm İspaniya, həm də Avropa mediasının diqqətini çəkib. UEFA Çempionlar Liqasının 1/8 final mərhələsinin cavab oyununda "Mançester Siti" və "Real Madrid" qarşılaşıb. "Etihad" stadionunda "Mançester Siti" qeyri-mümkün kimi görünən bir vəsiqə uğrunda mübarizə aparmağa çalışıb, lakin Bernardo Silva 20-ci dəqiqədə qırmızı vərəqə aldıqdan sonra ümidləri puça çıxıb. "Real Madrid" ümumi 5-1 hesabı ilə "Mançester Siti"ni məğlub edərək Çempionlar Liqasının 1/4 finalına yüksəlib.