Pentaqon İranda bir neçə həftə davam edə biləcək quru əməliyyatlarının həyata keçirilməsi variantlarını nəzərdən keçirir. 

Postxronika.az xəbər verir ki, bu barədə "Washington Post" qəzeti ABŞ rəsmilərinə istinadən məlumat yayıb. Hazırlanan planlara tammiqyaslı işğal əvəzinə, xüsusi təyinatlıların və piyada qüvvələrinin strateji nöqtələrə, o cümlədən Xarq adasındakı neft terminalına hədəf reydləri daxildir.

Tramp administrasiyası artıq dəniz piyadalarını Yaxın Şərqə yerləşdirib və minlərlə əlavə desantın bölgəyə göndərilməsini müzakirə edir. Əsas məqsədlərdən biri Hörmüz boğazında gəmiçilik üçün təhlükə yaradan hərbi infrastrukturun və silahların məhv edilməsidir. Bununla belə, Prezident Donald Tramp hələlik quru qoşunlarının yeridilməsinə dair yekun icazəni verməyib və diplomatik korpus münaqişənin quru əməliyyatı olmadan həll edilə biləcəyinə ümid edir.