ABŞ-nin şərq və mərkəzi bölgələrində qeydə alınan təhlükəli hava şəraiti ölkənin 250 illik yubileyinə həsr edilmiş Müstəqillik Günü tədbirlərinin kütləvi şəkildə pozulmasına gətirib çıxarıb.
Postxronika.az xəbər verir ki, rəsmilər paytaxt Vaşinqton da daxil olmaqla bir çox ərazidə onlarla paradı, konserti və atəşfəşanlıq nümayişini təxirə salmaq məcburiyyətində qalıblar. Həddindən artıq istilər səbəbindən Milli Xiyabandakı Böyük Amerika Ştatları Yarmarkasının fəaliyyəti də müvəqqəti dayandırılıb.
Məlumata görə, hazırda 18 milyondan çox insan yüksək temperaturla bağlı xəbərdarlıq altındadır. Sinoptiklər bəzi ştatlarda istilik indeksinin 46 dərəcəyə qədər yüksələcəyini proqnozlaşdıraraq vətəndaşları ehtiyatlı olmağa çağırıblar.