Türkiyənin ev sahibliyi ilə bu gün başlayacaq 36-cı NATO Dövlət və Hökumət Başçıları Zirvə toplantısının hazırlıqları tamamlanıb.
Postxronika.az "Haber Global" telekanalına istinadən xəbər verir ki, iki gün davam edəcək sammitdə NATO-ya üzv olan 32 ölkənin dövlət və hökumət başçıları, minlərlə diplomat, jurnalist və dəvətli qonaqlar qəbul ediləcək.
Təhlükəsizlikdən logistikaya, kommunikasiyadan texnologiyaya qədər bütün hazırlıqların başa çatdığı zirvə toplantısı çərçivəsində liderlər alyansın çəkindiricilik və müdafiə potensialının gücləndirilməsi, Avropa-Atlantika təhlükəsizliyi, müdafiə xərcləri, gələcəyə dair strateji hədəflər, eləcə də regional və qlobal təhlükəsizlik məsələlərini müzakirə edəcəklər.
Məlumata görə, sammit çərçivəsində iştirakçılara Esenboğa, Ankara və Mürted hava limanları xidmət göstərəcək. Yüksək səviyyəli tədbirin təhlükəsizliyini təmin etmək məqsədilə 48 min 841 polis, 7 min 447 jandarm və 639 kibertəhlükəsizlik əməkdaşı olmaqla, ümumilikdə 56 min 927 nəfərlik şəxsi heyət cəlb olunub.