İyulun 10-u saat 16 radələrində paytaxtın Xətai rayonu ərazisində ölümlə nəticələnən ağır yol-nəqliyyat hadisəsi baş verib.
Postxronika.az xəbər verir ki, 22 yaşlı Amin Cəfərovun idarə etdiyi motosikletlə, onunla eyni istiqamətdə hərəkətdə olan digər motosikletçi – 21 yaşlı Elşən Hüseynovun idarə etdiyi nəqliyyat vasitəsi toqquşub.
Yüksək sürət və kobud qayda pozuntuları səbəbindən baş verən ağır qəza nəticəsində sürücülərdən Amin Cəfərov aldığı xəsarətlərdən hadisə yerindəcə həyatını itirib. Faktla bağlı cinayət işi açılıb, araşdırma aparılır.