Bakıda və Abşeron yarımadasında tozlu hava şəraiti qeydə alınıb. Avtomatik stansiyalardan əldə edilən məlumata əsasən, hazırda havada tozun miqdarı normadan 1.4-1.7 dəfə artıqdır.
Postxronika.az xəbər verir ki, bu barədə Milli Hidrometeorologiya Xidmətinin rəsmisi Gülnarə Abbasova məlumat verib.
Xidmət rəsmisi bildirib ki, havada müşahidə olunan toz meteoroloji şəraitlə əlaqədar lokal xarakter daşıyır. Belə hava şəraitinə səbəb bu gün səhər saatlarından başlayan güclü şimal-qərb küləyinin yerin üst quru səthində formalaşan toz kütlələrini ətraf ərazilərə yaymasıdır.
Sinoptik şəraitlə əlaqədar tozlu havanın sabah günorta saatlarına qədər devam edəcəyi gözlənilir.