Naxçıvan şəhərinin bir sıra ərazilərində avqustun 3-də elektrik enerjisinin verilişində müvəqqəti fasilə yaranacaq.

Postxronika.az xəbər verir ki, bu barədə “Azərişıq” ASC-nin Naxçıvan Regional Enerji Təchizatı və Satışı İdarəsi məlumat yayıb.

Bildirilib ki, 35 kV-luq Xətai elektrik verilişi xəttində aparılacaq yenidənqurma işləri ilə əlaqədar 35/10 kV-luq Xətai yarımstansiyasından qidalanan elektrik xətlərində enerji təchizatı müvəqqəti dayandırılacaq.

Məlumata görə, avqustun 3-də saat 05:00-dan 07:00-dək Məktəb, Xətai Qəsəbə və Asfalt Zavod hava elektrik verilişi xətləri üzrə elektrik enerjisinin verilişi dayandırılacaq.

Bunun nəticəsində Naxçıvan şəhərinin 21, 22, 35, 36, 48, 49, 50 və 52-ci məhəllələrində, həmçinin Abbas Zamanov və Xətai küçələrində müvəqqəti elektrik kəsintisi olacaq.

Qeyd olunub ki, yenidənqurma işləri başa çatdıqdan sonra qeyd edilən ərazilərin elektrik təchizatı bərpa olunacaq.