Türkiyə Super Liqasının 19-cu turu çərçivəsində ‘’Beşiktaş’’ səfərdə ‘’Eyüpspor’’un qonağı olub.

Görüş 2:2 hesabı ilə nəticələnib.

‘’Beşiktaş’’ 6-cı dəqiqədə Orkun Kökçünün fərqlənməsi ilə erkən qola sevinib.

Meydan sahibləri 57-ci dəqiqədə Umut Bozokun qolu ilə hesabı bərabərləşdirib.

65-ci dəqiqədə ‘’Beşiktaş’’ın qapısına penalti təyin edilir. Emre Akbaba hədəfdən yayınmır və komandasını hesabda önə keçirir.

‘’Qara qartallar’’ 76-cı dəqiqədə Cengiz Ünderin qolu ilə 1 xalı təmin edir.

Qeyd edək ki, ‘’Beşiktaş’’ 33 xalla turnir cədvəlində 5-ci yerdədir. ‘’Eyüpspor’’ isə 15 xalla 16-cı pillədə qərarlaşıb.

Ayaz Zeynalzadə