ABŞ kəşfiyyatı Tramp administrasiyasına bildirib ki, İranda rejim 1979-cu ildən bəri ən zəif vəziyyətdədir.

Postxronika.az xəbər verir ki, noyabr-dekabr aylarında baş verən kütləvi etirazlar hətta ali lider Əli Xameneinin ən güclü hesab edilən bölgələrinə də təsir edib. Etirazlar basdırılsa da, zəif iqtisadiyyat və sərt repressiyalar səbəbindən hakimiyyət hələ də çətin durumdadır.

Bu fonla ABŞ bölgədə hərbi mövcudluğunu artırır. “Avraam Linkoln” avianosu və Tomahawk raketləri ilə təchiz olunmuş gəmilər ABŞ Mərkəzi Komandanlığı məsuliyyət zonasında yerləşdirilib və əmr verildiyi halda İrana 1–2 gün ərzində zərbə endirə bilər.

Bununla belə, Tramp administrasiyasında mümkün hərbi əməliyyatlar barədə fikir birliyi yoxdur. Prezident “sürətli və qəti” nəticə istəyir, amma məsləhətçilər müdaxilənin rejimin tez bir zamanda devrilməsinə gətirib çıxaracağından əmin deyillər