Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva Latviyanın sabiq dövlət başçısı, Nizami Gəncəvi Beynəlxalq Mərkəzinin həmsədri Vayra Vike-Freyberqaya məktub ünvanlayıblar.
Postxronika.az "Nuhçıxan"a istinadən xəbər verir ki, müraciətdə həyat yoldaşı İmants Freyberqsin vəfatı ilə əlaqədar kədər ifadə olunub. Ölkə rəhbərliyi mərhumun sadiq silahdaş və ömür-gün dostu kimi keçdiyi şərəfli yolu yüksək qiymətləndirib.
Başsağlığı mətnində bu ağır itki ilə bağlı Freyberqanın kədəri bölüşülüb və ailə üzvlərinə dərin hüznlə səbir dilənilib. Məktubda İmants Freyberqsin hər zaman xanımının yanında olduğu və ona böyük mənəvi dəstək verdiyi xüsusi vurğulanıb.
Bu addım Azərbaycan ilə Latviya arasındakı yüksək dostluq və hörmət münasibətlərinin növbəti təzahürüdür.