”Succession” serialında Marsiya Roy obrazı ilə tanınan fələstinli aktrisa Hiam Abbass və italiyalı aktrisa-rejissor Valeria Golino Rotterdam Beynəlxalq Film Festivalı (IFFR) çərçivəsində keçirilən müzakirədə səhnəyə çıxıblar.

IFFR-in 55-ci buraxılışında Abbass “Annemarie Jacir-in Palestine 36” və “Malek Bensmaïl”in şənbə günü dünya premyerası olan “The Arab” filmlərində rol alıb. O, bazar günü axşam Valeria Golino ilə birlikdə festivalın “Big Talk” sessiyasında iştirak edib.

Müzakirə zamanı siyasət və kimlik mövzularına da toxunulub. Fələstinli qadın kimi böyüdüyünü və “ədalətsizliklə dolu ağır bir miras” daşıdığını deyən Abbas üçün aktyorluq təzyiqlərdən azad “bir azadlıq məkanı”na çevrilib. Onun sözlərinə görə, məqsədi nəsildən-nəslə ötürülən ənənələrə qarşı çıxaraq öz seçimlərini edən bir qadın olmaq, başqalarının deyil, öz baxışları ilə mövcud olmaqdır. Abbass vurğulayıb ki, insanın yalnız özü üçün var ola bildiyi hər məkan onun üçün azadlıq deməkdir.