Qəhvə istehlakı düzgün tənzimləndikdə orqanizmə müsbət təsir göstərsə də, onun həddindən artıq qəbulu ciddi yan təsirlərə yol aça bilər. Postxronika.az xəbər verir ki, mütəxəssislər gündəlik kofein normasının 400 milliqramı, yəni təxminən 3-4 fincanı keçməməsini tövsiyə edirlər. Bu limitin aşılması ürək döyüntülərinin artmasına, yuxusuzluğa və həzm sistemi problemlərinə səbəb olur. Qəhvə içmək üçün ən uyğun zaman dilimi bədəndə kortizol səviyyəsinin aşağı düşdüyü səhər saat 10:00 ilə 12:00 arası hesab olunur. Erkən saatlarda qəbul edilən kofein təbii enerji balansını poza bildiyi üçün oyandıqdan dərhal sonra qəhvə içmək məsləhət görülmür. Sağlamlığı qorumaq üçün kofein qəbulunu yatmazdan ən azı 6 saat əvvəl dayandırmaq yuxu keyfiyyəti baxımından olduqca mühümdür.