Postxronika.az xəbər verir ki, Brent markalı neft ardıcıl üçüncü ili itkilərlə başa vuraraq öz tarixinin ən uzunmüddətli ucuzlaşma dövrünü yaşayır. İllik müqayisədə qiymətlər təxminən 18% aşağı düşüb ki, bu da 2020-ci ildən bəri ən kəskin geriləmə kimi qeydə alınıb. Qiymət azalmasına əsas səbəb kimi qlobal tələbatın zəifləməsi, ABŞ-nin şist neft hasilatının artması və bir sıra ölkələrə tətbiq edilən sərt sanksiyalar göstərilir. Hazırda Brent nefti 61 dollar, ABŞ-nin WTI markalı yanacağı isə 58 dollar ətrafında stabilləşib. Analitiklər 2026-cı ilin əvvəlində təklif bolluğu səbəbindən bir barrelin qiymətinin 55 dollara qədər geriləyəcəyini proqnozlaşdırırlar.