"Disney" şirkəti "Moana" animasiya filminin canlı versiyasının maraqla gözlənilən yeni treylerini təqdim edib. Ekran işində Moana obrazını Ketrin Laqaaya, Maui rolunu isə Dueyn Conson canlandırır.

Postxronika.az xəbər verir ki, yeni görüntülər orijinal hekayəyə sadiq qalaraq tanış səhnələri müasir texniki imkanlarla yenidən canlandırır. İzləyicilər Dueyn Consonun xarici görünüşünün animasiya qəhrəmanı ilə tam üst-üstə düşməsini maraqla qarşılayıblar. Filmin aktyor heyətinə Con Tui, Frenki Adams və Rena Ouen kimi tanınmış simalar daxil edilib. Orijinal cizgi filmində baş qəhrəmanı səsləndirən Auli Kravalyo da layihənin icraçı prodüserləri arasındadır.

Tomas Kailin rejissorluq etdiyi ekran əsəri Lin-Manuel Mirandanın bəstələdiyi unudulmaz musiqilərlə müşayiət olunacaq. Prodüser qrupuna Dueyn Consonla yanaşı, bir sıra təcrübəli mütəxəssislər rəhbərlik edirlər. Kinosevərlərin böyük marağına səbəb olan macəra filmi iyulun 10-da kinoteatrlarda nümayişə çıxarılacaq.