Ermənistanın hazırkı hökumət rəhbəri Nikol Paşinyan növbəti parlament seçkilərində hakim "Vətəndaş sazişi" partiyasının baş nazir postuna rəsmi namizədi seçilib.

Postxronika.az xəbər verir ki, bu barədə siyasətçi özünün "Telegram" kanalı vasitəsilə ictimaiyyətə məlumat verib. Müvafiq qərar siyasi təşkilatın daxili seçkilərinin ikinci mərhələsinin yekunlarına əsasən qəbul edilib.

Paşinyan göstərilən yüksək etimada görə tərəfdaşlarına minnətdarlığını bildirərək, partiyanın seçki siyahısına liderlik etməyin onun üçün şərəf olduğunu vurğulayıb. Bu addım ölkədəki mövcud siyasi qüvvələrin gələcək idarəetmə planlarını rəsmiləşdirmiş olur. Beləliklə, iqtidar partiyası gələn seçki marafonuna yenidən mövcud lideri ilə qatılmaq qərarını təsdiqləyib.