Dövlət İmtahan Mərkəzi (DİM) rezidenturaya qəbulun birinci mərhələsi üzrə baza fənlərindən biliklərin qiymətləndirilməsi üçün sınaq imtahanı təşkil edir.
Postxronika.az xəbər verir ki, imtahanda iştirak etmək istəyən namizədlər aprelin 1-dən 9-na qədər mərkəzin rəsmi saytında qeydiyyatdan keçə bilərlər.
Elektron formatda təşkil olunacaq sınaq imtahanı aprelin 19-da Bakı və Naxçıvan şəhərlərində eyni vaxtda baş tutacaq. İştirakçılara sualları cavablandırmaq üçün 2 saat 30 dəqiqə vaxt ayrılacaq. İmtahanda iştirak haqqı 40 AZN təşkil edir və ödənişlər namizədlərin "Şəxsi kabineti" vasitəsilə həyata keçirilməlidir. Bu sınaq rezidenturaya hazırlaşan həkimlərə öz bilik səviyyələrini əvvəlcədən yoxlamaq imkanı yaradır. Hazırda sistem qeydiyyat üçün aktivdir.