Ali təhsil müəssisələrinin magistratura pilləsinə qəbul olmaq istəyən bakalavrlar üçün ikinci imtahan cəhdinə sənəd qəbulu elan edilib. 

Postxronika.az xəbər verir ki, namizədlər aprelin 14-ü saat 23:59-dək Dövlət İmtahan Mərkəzinin internet portalı vasitəsilə qeydiyyatdan keçməlidirlər.

Fevral imtahanında iştirak edənlərlə yanaşı, ilk dəfə müraciət edən şəxslər də 50 AZN ödəniş etməklə elektron ərizələrini təsdiqləyə bilərlər. İkinci cəhd imtahanının mayın 17-də keçirilməsi planlaşdırılır və iştirakçılara ümumilikdə 100 ballıq tapşırıqlar təqdim olunacaq. İmtahan prosesi məntiq, informatika və xarici dil üzrə biliklərin yoxlanılması ilə yanaşı, esse yazılmasını da nəzərdə tutur. Namizədlərə tapşırıqları yerinə yetirmək üçün cəmi 3 saat 30 dəqiqə vaxt ayrılacaq.