Azərbaycan Xarici İşlər Nazirliyi Rusiyanın rəsmi şəxsləri tərəfindən Qarabağ bölgəsi ilə bağlı səsləndirilən son fikirlərə dair sərt şərh yayımlayıb.

Postxronika.az xəbər verir ki, rəsmi Bakı diplomatik kanallar vasitəsilə Rusiya tərəfinə ölkəmizin daxili işlərinə müdaxilə xarakterli bəyanatların qəbulolunmazlığını çatdırıb. Nazirlik vurğulayıb ki, Qarabağın Azərbaycanın ayrılmaz hissəsi olması hər hansı kənar dövlətin qərarından deyil, birbaşa beynəlxalq hüquq və tarixi ədalətdən asılıdır. Xüsusilə Moskva və İrəvan arasındakı gərgin münasibətlərdə Azərbaycanın suveren ərazilərindən müzakirə predmeti kimi istifadə edilməsi qeyri-etik addım kimi qiymətləndirilib. Bəyanatda Rusiya rəsmilərinə dövlətimizin ərazi bütövlüyünün 44 günlük müharibə və antiterror tədbirləri ilə tam bərpa olunduğu xatırladılıb. Sonda Rusiya tərəfindən bu növ siyasi manipulyasiyaların dayandırılmasına dair gözləntilər qətiyyətlə ifadə olunub.