Azərbaycan Badminton Federasiyası və dünya qurumlarının birgə əməkdaşlığı çərçivəsində Lənkəranda "Shuttle Time" proqramı təşkil olunub. 

Postxronika.az xəbər verir ki, beynəlxalq qrant layihəsi əsasında reallaşan təlimlərdə 60 məktəbli bu idman növünün sirlərinə yiyələnib. Tədbirin əsas qayəsi gənclər arasında badmintonu kütləviləşdirmək və yeni məşqçi nəsli yetişdirməkdən ibarətdir. Olimpiya İdman Kompleksində baş tutan məşqlərdə yeniyetmələrə əvvəlcə oyunun texniki qaydaları izah edilib, daha sonra isə praktiki dərslərə start verilib. Qeyd edək ki, analoji təşəbbüslər cari il ərzində Gəncə və Şirvan şəhərlərində də uğurla icra olunub. Layihə müvafiq nazirliklərin və Milli Olimpiya Komitəsinin rəsmi dəstəyi ilə həyata keçirilir.