Nəsimi Rayon Polis İdarəsinin əməkdaşları narkotik vasitələrin qanunsuz dövriyyəsinə qarşı silsilə əməliyyatlar reallaşdırıblar.

Postxronika.az xəbər verir ki, tədbirlər nəticəsində paytaxtda narkokuryerlik edən 6 nəfər saxlanılıb və onlardan ümumilikdə 72 kiloqramdan artıq müxtəlif növ narkotik maddə aşkar edilib. Şübhəli şəxslər ifadələrində qadağan olunmuş maddələri sosial şəbəkələr vasitəsilə İran vətəndaşlarından əldə etdiklərini etiraf ediblər.

Faktla bağlı cinayət işi açılıb və saxlanılan hər bir şəxs barəsində həbs qətimkan tədbiri tətbiq olunub. Məlumat üçün bildirək ki, cari ilin ilk rübü ərzində rayonda cəmi 156 kiloqram narkotik vasitə dövriyyədən çıxarılıb. Bu son əməliyyat paytaxtda narkotiklərin yayılmasının qarşısının alınması istiqamətində növbəti uğurlu addımdır.