"Azərbaycan Dəmir Yolları" QSC (ADY) artan sərnişin tələbatını nəzərə alaraq 18 və 19 aprel tarixlərində Bakı-Ağstafa-Bakı marşrutu üzrə əlavə qatar reysləri təyin edib.
Postxronika.az xəbər verir ki, bu barədə qurumdan bildirilib.
Sərnişinlər sözügedən reyslərə biletləri 10 faiz endirimlə əldə edə bilərlər. Biletləri dəmiryol vağzallarının kassalarından, ADY-nin rəsmi saytından (www.ady.az) və ya "ADY Mobile" tətbiqi vasitəsilə almaq mümkündür.
Qeyd edək ki, qeyd olunan istiqamətlər üzrə Bakı-Qazax-Bakı marşrutu ilə də gündəlik qatar səfərləri təşkil olunur.