Avropada intensiv qar və buzlu hava şəraiti geniş səyahət pozuntularına səbəb olub. Fransada beş nəfər yol qəzasında həyatını itirib, Bosniyanın paytaxtı Sarayevoda isə qar səbəbindən bir qadın ölüb.

Postxronika.az BBC-yə istinadən xəbər verir ki, Paris və Amsterdamda yüzlərlə uçuş ləğv olunub, minlərlə sərnişin hava limanlarında qalıb. Fransada 38 rayona narıncı xəbərdarlıq elan edilib, qatar xidmətləri də bir çox yerlərdə dayanıb.Amsterdam Schiphol hava limanında isə 400-dən çox uçuş dayandırılıb, KLM hava yolu şirkəti “extremal” hava şəraiti və təchizat problemlərini səbəb göstərib.

Bildirək ki, Fransa Nəqliyyat Naziri Philippe Tabarot vətəndaşlara mümkün qədər evdən işləməyi və yollarda səyahətdən çəkinməyi tövsiyə edib.