İqtisadiyyat Nazirliyinin rəhbər heyəti müasir müstəqil Azərbaycan dövlətinin qurucusu, Ümummilli Lider Heydər Əliyevin anadan olmasının 103-cü ildönümü münasibətilə Fəxri xiyabanı ziyarət edib.

Postxronika.az İqtisadiyyat Nazirliyinə istinadən xəbər verir ki, ziyarətçilər Ulu Öndərin məzarı önünə gül dəstələri düzərək onun əziz xatirəsinə dərin ehtiramlarını bildiriblər. Qeyd olunub ki, ölkəmizin müstəqilliyinin möhkəmlənməsi və beynəlxalq nüfuzunun artması məhz dahi rəhbərin müəyyən etdiyi strateji kursun bəhrəsidir. Ümummilli Liderin formalaşdırdığı iqtisadi inkişaf xətti bu gün də Azərbaycanın dayanıqlı tərəqqisinin təməl daşını təşkil edir. Bu ziyarət dövlətçilik ənənələrinə sadiqliyin və dahi şəxsiyyətin irsinə olan sonsuz hörmətin təzahürüdür. Hazırda bu siyasi xətt ölkənin iqtisadi qüdrətinin daha da artırılmasına xidmət edir.