Daxili işlər orqanları tərəfindən cinayətkarlıqla mübarizə və ictimai asayişin qorunması istiqamətində həyata keçirilən tədbirlər çərçivəsində növbəti uğurlu nəticələr əldə edilib.

Postxronika.az Daxili İşlər Nazirliyinin (DİN) Mətbuat Xidmətinə istinadən xəbər verir ki, mayın 11-də ölkə ərazisində qeydə alınmış 49 cinayət hadisəsinin, eləcə də əvvəlki dövrlərdən bağlı qalmış 8 faktın açılması təmin olunub. Keçirilən əməliyyatlar zamanı müxtəlif cinayətlər törətməkdə şübhəli bilinən ümumilikdə 46 nəfər yaxalanaraq istintaqa cəlb edilib. Eyni zamanda, axtarışda olan 43 şəxs, o cümlədən borclu qismində gizlənən 21 nəfər tutularaq aidiyyəti qurumlara təhvil verilib. Gün ərzində narkotiklərin qanunsuz dövriyyəsi ilə bağlı 17, qanunsuz silah-sursatın müsadirəsi ilə əlaqədar isə 5 fakt aşkar edilib. Hazırda bu istiqamətdə profilaktik və əməliyyat tədbirləri fasiləsiz olaraq davam etdirilir.