Azərbaycan Respublikasının Prezidenti İlham Əliyev Qazaxıstanın Türküstan şəhərində keçirilən Türk Dövlətləri Təşkilatının (TDT) Dövlət başçılarının qeyri-rəsmi Zirvə görüşündə iştirak edir.

Postxronika.az xəbər verir ki, tədbirə qatılan ölkəmizin rəhbərini Qazaxıstan Prezidenti Kasım-Jomart Tokayev qarşılayıb. Qarşılanma mərasimindən sonra Azərbaycan Prezidenti və rəsmi toplantıda iştirak edən digər dövlət başçıları birgə foto çəkdiriblər. Sammit çərçivəsində tərəfdaş ölkələr arasında inteqrasiyanın gücləndirilməsi və regional əməkdaşlıq perspektivləri müzakirə olunur. Alyansa üzv dövlətlərin liderlərinin bu görüşü türk dünyasının birliyi və strateji tərəfdaşlığı baxımından böyük əhəmiyyət kəsb edir.