Dövlət Şəhərsalma və Arxitektura Komitəsinin sədri Anar Quliyev Ümumdünya Şəhərsalma Forumunun (WUF13) xüsusi sessiyasında çıxış edərək, dünyada 3 milyarddan çox insanın əlverişli mənzillə təmin olunmadığını diqqətə çatdırıb.

Postxronika.az xəbər verir ki, komitə rəhbərinin sözlərinə görə, yeni təsis edilən “Bakı Şəhərsalma Mükafatı” qlobal miqyasda məhz bu aktual boşluğu doldurmaq məqsədilə yaradılmış mühüm bir irs layihəsidir. Mükafatın əsas hədəfi fərqli regionlarda merlər və mütəxəssislər tərəfindən hazırlanmış real işlək mexanizmləri, elmi bilikləri və dövlət siyasətlərini vahid platformada əlaqələndirməkdir. Təşəbbüsün hər bir mərhələsi sadəcə mükafatlandırma mərasimi ilə bitməyəcək, uğurlu modellərin digər ölkələrdə də təkrar tətbiqi üçün fəal dəstək prosesi ilə davam etdiriləcək. Qeyd olunub ki, təqdim olunan layihələr arxitektura, maliyyə, iqlim elmi və vətəndaş cəmiyyəti sahəsində dünyaca tanınmış müstəqil, beynəlxalq münsiflər heyəti tərəfindən qiymətləndiriləcək.