Azərbaycan polisinin ölkə ərazisində cinayətkarlığa qarşı həyata keçirdiyi operativ əməliyyat-axtarış tədbirləri nəticəsində növbəti uğurlu göstəricilər qeydə alınıb.

Postxronika.az Daxili İşlər Nazirliyinin (DİN) Mətbuat Xidmətindən verilən rəsmi məlumata istinadən xəbər verir ki, iyunun 16-da ölkə miqyasında qeydə alınmış 61 cinayət faktının, eləcə də əvvəlki dövrlərdən bağlı qalan daha 9 cinayət işinin açılması polis əməkdaşları tərəfindən isti izlərlə təmin olunub. Aynı zamanda müxtəlif cinayətləri törətməkdə şübhəli bilinən 57 nəfər saxlanılaraq istintaqa cəlb edilib.

Cinayətkarların və axtarışda olan şəxslərin məsuliyyətə cəlb edilməsi istiqamətində görülən işlər çərçivəsində bütövlükdə 184 nəfər saxlanılıb. Onlardan 166-sı borclu şəxs qismində axtarışda olanlar təşkil edib və aidiyyəti üzrə təhvil veriliblər.

Qanunsuz dövriyyəyə qarşı aparılan mübarizə də diqqət mərkəzində olub. Sutka ərzində narkotiklərlə əlaqəli 27 fakt, o cümlədən qanunsuz saxlanılan silah-sursatın götürülməsi və aşkarlanması ilə bağlı 14 fakt müəyyən edilərək qanunsuz dövriyyədən çıxarılıb.