Tokio hökuməti strateji əhəmiyyətli nadir torpaq elementlərinin tədarükündə Çindən asılılığı minimuma endirmək məqsədilə inqilabi layihəyə start verib. Bu çərçivədə Sakit okeanın dərinliklərində yerləşən yataqlarda qazıntı işlərinin sınaq mərhələsinə başlanılıb.

Postxronika.az xəbər verir ki, "The Hindu" qəzetinin yazdığına görə, Yaponiya bu texnologiya sayəsində elektronika sənayesi üçün həyati vacib olan resurslara müstəqil çıxış əldə etməyi hədəfləyir. Layihənin uğurlu icrası qlobal texnologiya bazarında qüvvələr balansını dəyişə bilər. Bununla belə, ekoloqlar dərin dəniz mədənçiliyinin okean ekosisteminə vura biləcəyi zərərdən narahatdırlar. Sınaqların nəticələri yaxın aylarda açıqlanacaq.