Azərbaycanda ali təhsil müəssisələrinin və Azərbaycan Milli Elmlər Akademiyasının magistraturalarına qəbul olmaq istəyənlər üçün sənəd qəbulu prosesinə rəsmən start verilib.

Postxronika.az xəbər verir ki, bu barədə müvafiq qurumlar (Dövlət İmtahan Mərkəzi) məlumat yayıb. Rəsmi istinada görə, magistratura pilləsi üzrə təhsil almaq istəyən bakalavrlar müəyyən olunmuş vaxt çərçivəsində elektron ərizələrini təsdiq etməlidirlər.

Qəbul prosesi ilə bağlı əsas detallar da məlum olub. Belə ki, sənəd qəbulu 26 yanvar tarixinədək davam edəcək. Namizədlərin qeydiyyat üçün ödəməli olduğu məbləğ 50 AZN təşkil edir.

Magistraturaya qəbul imtahanının ilk cəhdi isə gələn ay keçiriləcək. İmtahanın 15 fevral tarixində baş tutması nəzərdə tutulub.