Avropa insan haqları məhkəməsi Biritaniyanın verdiyi qərarı araşdırır.

Postxronika.az xəbər veriri ki, iddia 2019-cu ildə Şamima Bequmu vətəndaşlıqdan çıxarlımasıdır.

2015-ci ildə, Bequm, Londondakı evini tərk edəndə 15 yaşında məktəbli olub. O, iki rəfiqəsi ilə birlikdə İŞİD-in nəzarətindəki ərazilərə yollanıb. Burada bir İŞİD döyüşçüsünə "ərə verilib". Nikahdan üç övladı dünyaya gəlsə də, onların hamısı körpə ikən vəfat edib.

2019-cu ildə Britaniyanın keçmiş daxili işlər naziri Sacid Cavid milli təhlükəsizlik səbəbi ilə Begumun vətəndaşlığını ləğv edib. Qərar hazırkı hökumət tərəfindən dəstəklənir. Bequmun vəkilləri isə onun uşaq alveri qurbanı olduğunu iddia edirlər. Hazırda 26 yaşı olan Bequm Suriyadakı qaçqın düşərgəsində vətəndaşlığı olmayan şəxs statusundadır.

Avropa Məhkəməsi tərəfindən bu ay dərc olunan sənəd təsdiqləyir ki, Bequm Cavidin qərarına qarşı Avropa İnsan Hüquqları Konvensiyasının 4-cü maddəsi (köləliyin və məcburi əməyin qadağan olunması) əsasında iddia qaldırıb.

Daxili İşlər Nazirliyinin sözçüsü isə milli təhlükəsizliyi qorumaq üçün verilən hər bir qərarın müdafiə olunacağını bildirib: "Hökumət hər zaman Britaniyanı və vətəndaşlarını qoruyacaq. Milli təhlükəsizliyə təhdid yaradan Şamima Bequmun vətəndaşlığının ləğv edilməsinin və geri qayıda bilməməsinin səbəbi budur".