‘’Qarabağ’’ UEFA Çempionlar Liqasının 7-ci turu çərçivəsində doğma meydanda ‘’Ayntraxt’’ı qəbul edib.

Görüş ‘’Qarabağ’’ın 3:2 hesablı qələbəsi ilə başa çatıb.

‘’Köhlən atlar’’ 4-cü dəqiqədə Kamilo Duranın qolu ilə matça erkən qolla başlayıb.

Qonaqlar 11-ci dəqiqədə  Can Uzunun fərqlənməsi ilə hesabı bərabərləşdirib.

78-ci dəqiqədə Fares Çaibi penaltidən fərqlənərək ‘’Ayntraxt’’ ı önə keçirib.

‘’Qarabağ’’ bu qola 80-ci dəqiqədə Kamilo Duranın qolu ilə cavab verərək hesabı bərabərləşdirib. 

Ağdam təmsilçisi sonuncu uzatma dəqiqəsində  Bəhlul Mustafazadənin qolu ilə  hesabı 3:2 edərək meydandan qələbə ilə ayrılıb.

Qeyd edək ki, aktivinə 3 xal yazdıran ‘’Qarabağ’’ turnir cədvəlində 10 xalla 17-ci pillədədir.

Ayaz Zeynalzadə