U-16 voleybol millilərimiz Avropa çempionatının təsnifat mərhələsində mübarizə aparacaqlar

16 yaşadək voleybolçu oğlan və qızlardan ibarət Azərbaycan milli komandaları Şərqi Avropa Voleybol Zonal Assosiasiyası çempionatında iştirak edəcəklər. Noyabrın 19-dan 22-dək təşkil olunacaq yarışlarda oğlanlardan ibarət yığmamız Riqada Latviya və Finlandiya kollektivləri ilə qarşılaşacaq. Qızlar millimiz isə Estoniyanın Kaariku şəhərində təşkil ediləcək turnirin B qrupunda Estoniya, Litva və Ukrayna təmsilçilərinə qarşı oynayacaq.

Postxronika.az Azərbaycan Veloybol Federasiyasına istinadən xəbər verir ki, reqlamentə əsasən, qrup qalibləri finalda üz-üzə gələrək çempionu və Avropa çempionatının həlledici mərhələsinə vəsiqə qazanan tərəfi müəyyənləşdirəcəklər. İkinci və üçüncü sıranı tutan komandalar isə yekun sıralama uğrunda müvafiq pley-off matçlarında mübarizəni davam etdirəcəklər. Təsnifat oyunlarının cədvəlinə uyğun olaraq voleybolçularımız ilk qarşılaşmalarını noyabrın 19-da keçirəcəklər.

Yeniyetmə idmançıların beynəlxalq turnirlərdə müntəzəm iştirakı onların peşəkar təcrübə qazanmasında mühüm rol oynayır. Güclü rəqiblərlə keçirilən gərgin oyunlar milli komandaların ehtiyat qüvvəsinin formalaşmasına böyük töhfə verir. Ölkəmizdə voleybolun inkişafı istiqamətində atılan bu cür addımlar gələcək böyük uğurların etibarlı təməlini qoyur.