ABŞ Mərkəzi Bankı süni intellektin iqtisadi təsirlərini araşdırır
RH
ABŞ Federal Ehtiyat Sisteminin (Fed) rəsmiləri süni intellektin ölkə iqtisadiyyatını köklü şəkildə dəyişdirəcəyini gözləsələr də, bu texnologiyanın inflyasiya və məşğulluğa qısamüddətli təsiri ilə bağlı qeyri-müəyyənlik qalır. Silikon Vadisinin texnologiya şirkətləri məlumat mərkəzlərinin tikintisinə trilyonlarla dollar sərmayə yatırır.
Postxronika.az “Reuters” agentliyinə istinadən xəbər verir ki, Fed sədri Kevin Uorşun rəhbərliyi ilə yaradılan işçi qruplarının ilk açıq tədbiri bazar ertəsi San-Fransiskoda keçiriləcək. Forumda süni intellektin iş yerlərinin azalmasına, iqtisadi artıma və inflyasiyaya mümkün təsirləri müzakirə olunacaq. Texnologiyanın qiymətləri aşağı salmaq potensialına baxmayaraq, sektora yönələn böyük investisiyaların hazırda inflyasiya təzyiqlərini artırdığı bildirilir.
Fed rəsmiləri süni intellektin sürətli inkişafının iqtisadi bərabərsizliyi dərinləşdirə biləcəyindən də narahatdırlar. Müzakirələrin əsas məqsədi texnoloji inkişafın yaratdığı imkanları və riskləri qiymətləndirməkdir.