Aİ Rusiyadan boru kəməri qazına görə 2025-ci ilin əvvəlindən bəri ən yüksək məbləği ödəyib
NQ
Avropa İttifaqı 2026-cı ilin sentyabrında Rusiyadan boru kəməri ilə idxal etdiyi təbii qaza görə ötən ilin əvvəlindən bəri ən yüksək məbləği ödəyib.
Postxronika.az TASS-a istinadən xəbər verir ki, bu barədə Eurostat-ın məlumatları əsasında aparılan hesablamalarda bildirilib.
Məlumata görə, Aİ sentyabr ayında Rusiyadan ümumilikdə 1,28 milyard avro dəyərində qaz idxal edib. Bunun 783 milyon avrosu boru kəməri ilə nəql olunan qazın payına düşüb.
Rusiya qazının Avropaya boru kəməri ilə çatdırılması üçün hazırda yalnız “Türk axını” marşrutu fəaliyyət göstərir. Əsas alıcılar arasında Macarıstan (261 milyon avro), Bolqarıstan (230 milyon avro) və Yunanıstan (166 milyon avro) yer alıb.
Ümumilikdə, Aİ 2026-cı ilin ilk doqquz ayında Rusiyadan boru kəməri qazının alınmasına 4,9 milyard avro xərcləyib. Ötən ilin eyni dövründə bu göstərici 4,6 milyard avro təşkil edib.