Amsterdamda süni intellekt məlumat mərkəzinin tikintisinə karşı kütləvi etiraz aksiyası keçirilib
RH
Amsterdamda etirazçılar Microsoft şirkətinin süni intellekt üçün nəzərdə tutulan məlumat mərkəzinin tikinti sahəsinə daxil olaraq işlərin dayandırılmasını tələb ediblər. Ətraf mühit və rəqəmsal hüquq müdafiəçilərini birləşdirən "Çirkli Məlumat Mərkəzlərini Dayandırın" koalisiyası bu aksiyanın 16 ölkədə planlaşdırılan etiraz dalğasının başlanğıcı olduğunu bəyan edib. Fəallar texnologiya nəhənglərinin irimiqyaslı layihələrinin təbii resursları kəskin şəkildə tükəndirdiyini və ətraf mühitə böyük zərər vurduğunu vurğulayırlar.
Postxronika.az Reuters istinadən xəbər verir ki, tikinti sahəsinin sahibi olan "Pure Data Centres" şirkəti və Microsoft etirazçıları dinc dialoqa dəvət edərək ərazini təhlükəsiz şəkildə tərk etməyə çağırıblar. Şirkət rəhbərliyi vətəndaşların narahatlığına hörmətlə yanaşdıqlarını, lakin qanunsuz hərəkətlərin yolverilməz olduğunu diqqətə çatdırıb. Süni intellektin hesablama gücünün artırılmasına qarşı bənzər etirazların Dublin, Varşava və Danimarkada da keçirilməsi planlaşdırılır.
Süni intellekt texnologiyalarının sürətli inkişafı qlobal enerji və resurs istehlakı məsələsini yenidən gündəmə gətirir. Rəqəmsal infrastrukturun genişlənməsi ilə ekoloji tarazlığın qorunması arasında balansın tapılması mühüm zərurətə çevrilir. Cəmiyyətin və fəalların bu növ kütləvi etirazları gələcəkdə iri texnologiya layihələrinin ekoloji standartlara uyğunlaşdırılmasını məcbur edir.